«Мораҙым fest 2019» башҡорт йәштәрен көтөп ҡала

Бөгөн республика башҡорт йәштәренең «Мораҙым fest 2019» йыйыны башланды. Ул Күгәрсен районының "Мораҙым тарлауығы" паркында 14 июлгә тиклем дауам итәсәк.

Сарала ҡатнашыусыларҙы йондоҙ менән күнекмә, көрәш, волейбол, футбол, еңел атлетика кеүек башҡа спорт, халыҡ уйындары, конкурстар, бүләктәр, асыҡ һауалағы дискотека көтә.

Йәштәр өсөн был көндәрҙә «Мораҙым-Party» мәҙәни программаһы әҙерләнгән. Унда ZAINETDIN, «Бәхетле» төркөмө һәм MC BASH сығыш яһаясаҡ.

Форумдың төп майҙансыҡтарының береһендә йәштәр башҡорт телендә көнүҙәк проблемаларға ҡағылған фекерен белдерә аласаҡ.

Алдан теркәү үтмәгәндәр сарала ҡунаҡ булараҡ ҡатнаша ала.