Стела асылды

Сәйғәфәр ауылы эргәһендә 1812 йылғы Ватан һуғышы геройҙарына арналған стела асылды. Унда 1812-1814 йылдарҙағы һуғышта һәм шул ваҡыттағы походтарҙа ҡатнашҡан яугирҙәрҙең исем-шәрифтәре мәңгеләштерелгән. “Тарихты белмәй тороп, киләсәккә атлап булмай”, – ти һәйкәл авторы, тарихсы Фәрит Истәков. Стелаға киткән сығымды халыҡ үҙе ҡаплаған, урындағы фермерҙар ҙа ярҙам иткән.