Йондоҙ менән зарядка

Сәләмәт тәндә — сәләмәт рух, тиҙәр. Көн дә иртә таңдан тороп күнекмә эшләп, кәйефеңде күтәреү үҙе бер мәртәбә бит ул.

Был көн эстафетала ҡатнашыу өсөн 500-ләп кеше килде. Күнекмәне Сибайҙан килгән спорт йондоҙо, Башҡортостандың атҡаҙанған физик культура хеҙмәткәре, өс тапҡыр СССР кубогын, алты мәртәбә Рәсәй чемпионы исемен яулаған еңел атлетика буйынса спорт мастеры Фәнил Әминев үткәрҙе.

Сәләмәт тормошто пропагандалаған, спортҡа ҡарата һөйөү тәрбиәләүгә булышлыҡ иткән был акцияны баймаҡтар хәйбуллаларға тапшырҙы. «Йондоҙ менән зардка» акцияһына сентябрҙә йомғаҡ яһаласаҡ. Еңеүселәр төрлө номинация буйынса билдәләнә.