Изге эшкә – Аллаһ рәхмәте

Әссәләмәғәләйкүм үә рахматуллаһи үә бәрәкәтүһ, Баймаҡ ҡалаһы һәм дә Баймаҡ районы мосолмандары!

Беҙ Баймаҡ “Нәсихәт” мәсете исеме менән һеҙгә мөрәжәғәт итәбеҙ. Әлхәмдилуллаһ, мәсетебеҙҙә төҙөлөш, йәғни реконструкция эштәре башланды. Унда яңы, яҡты уҡыу кабинеты, тәһәрәтхана һәм дә газ ҡаҙанлығы урынлашасаҡ. Пәйғәмбәребеҙ Мөхәммәт (с.ғ.с.) әйткән: “Һәр изге эшкә – Аллаһ рәхмәте”.

Ҡәҙерле мосолмандарыбыҙ, яҡташтарыбыҙ, әйҙәгеҙ битараф ҡалмайыҡ – аҡсалата, мөмкинлек булһа төҙөлөш материалдары менән ярҙам итәйек. Шулай уҡ һәр шәмбе өмә үткәрелә (мәсет исеменән ашау бушлай). Себер яҡтарында, төрлө төбәктәрҙә эшләп йөрөгән яҡташтарыбыҙ ҙа ярҙам ҡулын һуҙыр, тигән өмөттәбеҙ. Аллаһы Собхәнә Тәғәлә белеп, күреп, ишетеп торғанын да барыбыҙ аңлайбыҙ. Ғибәҙәт урынын күмәкләп тиҙ арала төҙөһәк, иншаллаһ, Аллаһ рәхмәтендә булырбыҙ.

Түбәндәге иҫәпкә йәки мәсеттәге саҙаҡа ҡумтаһына хәйер-саҙаҡағыҙҙы һала алаһығыҙ. Белешмә өсөн телефон: 8 964 959 18 30.

Мусульманская религиозная организация “Насихат” г. Баймак ДУМ РБ

ИНН 0254995053

КПП 025401001

р/с 40703810962030000010

в ОАО Россельхозбанке