Хеҙмәтенә күрә – хөрмәте

Күптән түгел йыл йомғаҡтарына арналған тантаналы йыйылышта район Советы һәм хакимиәте ветераны Радмир Ишбулатов менән хакимиәттең финанс идаралығы ветераны Рәмил Сирғәлинға оҙаҡ йылдар намыҫлы эшләгәндәре өсөн һәм хаҡлы ялға сығыуҙары айҡанлы Баймаҡ районы хакимиәте башлығының Рәхмәт хаты һәм иҫтәлекле бүләктәре тапшырылды. Үҙенең тәбрикләү һүҙендә район хакимиәте башлығы Илшат Ситдыҡов Радмир Зөбәйер улының һәм Рәмил Ишбулды улының урындағы үҙидараны һәм финанс өлкәһен үҫтереүгә индергән өлөштәрен юғары баһаланы, рәхмәт белдерҙе.