Һаҡмар
+9 °С
Болотло
Антитеррор
Бөтә яңылыҡтар
Новости
16 Февраль 2018, 13:21

Башҡорттар ҡор йыя

20 февралдә сәғәт 10-да Баймаҡ халыҡ ижады үҙәгендә район башҡорттарының ҙур йыйыны үткәрелә.

20 февралдә сәғәт 10-да Баймаҡ халыҡ ижады үҙәгендә район башҡорттарының ҙур йыйыны үткәрелә. Унда Баймаҡ районы башҡорттары ҡоролтайының үткән осорҙағы эшенә йомғаҡ яһаласаҡ, милләтебеҙ алдында торған мөһим мәсьәләләр тикшереләсәк.

Йыйындың эшендә Бөтә донъя башҡорттары ҡоролтайы башҡарма комитеты вәкилдәре, район хакимиәте етәкселеге ҡатнаша. Ҡорға урындарҙан һайланған делегаттар һәм ҡоролтай рәйестәре, ҡала һәм ауыл биләмәләре башлыҡтары, ауыл старосталары, “Ағинәйҙәр” һәм “Атайсал” клубтары рәйестәре, ҡатын-ҡыҙҙар һәм ветерандар советтары, мәктәп директорҙары, башҡорт теле һәм әҙәбиәте, тарих уҡытыусылары, китапхана, мәҙәниәт йорттары мөдирҙәре, имам-хатиптар, учреждение етәкселәре саҡырыла.

Сара барышында район халыҡ ижады үҙәгенең икенсе ҡатында Башҡортостан Республикаһының 100 йыллығына арналған тарихи күргәҙмә эшләйәсәк, беренсе ҡатында иһә “Башҡорт китабы” магазины З.Биишева исемендәге “Китап” нәшриәтенең продукцияһын тәҡдим итәсәк. Буфет эшләйәсәк.

Ойоштороу комитеты.
Читайте нас: