Ҡатын-ҡыҙҙар бәйгеһе

Өфөлә “Башҡорт ҡатын-ҡыҙҙарының селтәр традицион биҙәнеү әйберҙәре” тип аталған республика бәйгеһе үтте. Унда Таһир ауылынан Суфия Әсәнова менән Яраттан Дилара Йәнбирҙина конкурстың лауреаттары тип табылды. Өҫтәүенә, Суфия Әсәнова Башҡортостан юлдаш телевидениеһының, ә Дилара Йәнбирҙина “Аманат” балалар журналының махсус призын да яуланы. Баймаҡтан Миңлегөл Килмәкова сарала ҡатнашҡаны өсөн махсус бүләккә лайыҡ булды.