Ололарҙы хөрмәтләп

Үткән аҙнала Ишей мәктәбендә ауылдың иң оло кешеһе, тыл ветераны Мәймүнә инәй Рәхмәтуллинаның – 90, ике тиҫтә йылдан ашыу мәктәп директоры булып эшләгән Гусев Иван Васильевичтың, халыҡ йырҙарын оҫта башҡарыусы, һәр бер сарала әүҙем булған Мәстүрә инәй Ҡарасуринаның – 85, «Ағинәйҙәр» клубы ағзалары, хеҙмәт ветерандары Зәкиә Кәримова һәм Вәлимә Баймөхәмәтова инәйҙәрҙең 70 йәшлек юбилей тантанаһы үтте. Уларҙы халыҡты социаль яҡлау бүлеге начальнигы З.Ушанов, Темәстән ветерандар советы рәйесе З.Изгин ҡотланы. Сара балалар баҡсаһы, мәктәп, «Ағинәйҙәр» клубының концерты менән үрелеп барҙы.