Киләһе йылдың эмблемаһы билдәләнде

Республикала 2017 йыл – Экология һәм махсус һаҡланған тәбиғәт биләмәләре йылының эмблемаһы раҫланды. Ул Башҡортостандың милли флагы төҫтәрен сағылдыра. Төп график фигура – алты мөйөш. Ул экология яҡтан таҙа райондарҙа, шул иҫәптән махсус һаҡланған тәбиғәт биләмәләрендә милли кәсеп булараҡ үҫешкән умартасылыҡты сағылдыра. Бер үк ваҡытта үҫентене лә, ҡошто ла, кешене лә кәүҙәләндерә. Ә девизы итеп: “Саф. Ҡурсалаусыһыҙ. Һинең ҡулда...” тигән юлдар һайланды. Эмблема менән девиздың авторы – биҙәүсе-дизайнер Александр Курлянов.