Яратам мин ауылым — Йәрмөхәмәтте

Йәрмөхәмәт ауылы 2024 йылда "Сәләмәт ауыл -2024 "конкурсында ҡатнашып 1 урын алыуға өлгәште һәм 50 мең һумлыҡ сертификат менән бүләкләнде.Әлбиттә был еңеү еңел генә бирелмәне.Ауыл халҡының әүҙемлеге,төрлө саралар ойоштороу һәм ошо сараларҙа актив ҡатнашыу, газета журналдарға яҙылыу, өмәләр ҙә ҡатнашыу,шишмәләр таҙалауҙа әүҙемлек күрһәтеү төп шарттар булып тора. Йәрмөхәмәт ауылында бик эшлекле ,эшһөйәр кешеләр йәшәй,ауылым тип янып йөрөүселәр ҙә юк түгел.Мырҙабаева Гәйшә апай етәкселегендә "Ағинәйҙәр ", шул уҡ составта ҡатын -ҡыҙҙар ойошмаһы, ауыл Советы депутат Ишҡыуатов Кадир,староста Хәлиуллин Ғибадулла эште оҫта ойошторҙолар , ауыл халҡы ла бик әүҙем ҡатнашты һәм еңеүгә тос өлөш индерҙеләр. Ауыл халҡының сход ҡарары менән ошо сертификатты арт -обьект эшләтеүгә ҡарар ителде.Ошо көндәрҙә арт -обьект ултыртылды һәм ауылға бер йәм өҫтәлде тиһәк тә хата булмаҫ.Кемдәр битараф булмай ярҙам иткән бөтәгеҙгә лә ҙур рәхмәт.Әле артабан да Йәрмөхәмәт ауылының киләсәген ҡайғыртып пландар ҡороп йәшәүселәр булғанда ауыл йәшәр тигән өмөттә ҡалабыҙ.

Ауыл хакимиәте.