Байрамда һауа торошо ниндәй булыр?

Башгидрометүҙәк хәбәр итеүенсә, йома, 21 апрелдә, республикала һауа торошо әллә ни үҙгәрмәй.

Урыны менәнбер аҙ ямғыр яуыуы көтөлә. Һауа температураһы төндә +1, +6°, аяҙытҡанда -4°, көндөҙ иһә +13, +18°.

Шәмбе, 22 апрелдә, "көньяҡ" циклоны йоғонтоһонда республиканың күпселек райондарында күптән көтөлгән ямғыр яуа. Яуым-төшөм ваҡытында температура көндөҙ +8, +13° артмай.

Йәкшәмбе, 23 апрелдә, урыны менән ямғыр. Һауа температураһы көндөҙ йәнә +12, +17° тиклем күтәрелә.