Уҡытыусылар тәбрикләнде

Уҡытыусы көнөндә Өфөлә Башҡортостан Башлығы Радий Хәбиров 31 мәғариф хеҙмәткәренә дәүләт наградалары тапшырҙы. Улар араһында райондаштарыбыҙ ҙа булды. Күсей мәктәбе директоры Ҡунаҡбай Уйылданов – “БР-ҙың атҡаҙанған мәғариф хеҙмәткәре”, ҡаланың 4-се лицейының башланғыс кластар уҡытыусыһы Гөлшат Иҫәнбаева “БР-ҙың атҡаҙанған уҡытыусыһы” исеменә лайыҡ булды. 

Баймаҡта халыҡ ижады үҙәгендә лә тантаналы сара үтте. Унда район хакимиәте башлығы Фәнис Әминев, ҡала хакимиәте башлығы Радмир Иҫәнбаев, мәғариф бүлеге начальнигы Фәнил Ирмәков, район һәм ҡала уҡытыусылары йыйылды. 

“Һеҙҙең йәмғиәт тормошондағы ролегеҙ, ил алдындағы хеҙмәтегеҙ баһалап бөткөһөҙ. Үҫеп килеүсе быуынға заман ҡуйған талаптарға ярашлы тәрбиә һәм белем биреү бик еңелдән түгел”, – тине район хакимиәте башлығы Фәнис Әминев һәм мәғариф өлкәһендә башҡарылған эштәр менән таныштырҙы. Район башлығы мәғариф ветерандарына айырым рәхмәт һүҙҙәрен еткерҙе. Унан 4-се лицейҙың инглиз теле уҡытыусыһы Диана Утарбаеваға Башҡортостан Республикаһы Мәғариф һәм фән министрлығының Почет грамотаһын тапшырҙы. Иҫке Сибай мәктәбенең директор урынбаҫары Мөнирә Хәмитова, Баймаҡ лицей-интернаты тәрбиәсеһе Фәнүзә Байғотлина, 2-се мәктәптең математика уҡытыусыһы Фәриҙә Солтанғазина, рус теле һәм әҙәбиәте уҡытыусыһы Эльвира Ҡолмөхәмәтова район Советының Почет грамотаһы менән бүләкләнде. 

Байыш мәктәбенең география уҡытыусыһы Зәкиә Әбүбәкирова, Иҫке Сибай мәктәбенең өлкән вожатыйы Рауза Кәримова һәм китапханасыһы Гөлназ Хәмзина, 4-се лицейҙың башланғыс кластар уҡытыусыһы Гөлнара Сәлимова һәм директорҙың хужалыҡ эштәре буйынса урынбаҫары Рәшит Заһиҙуллин, 3-сө мәктәптең физкультура уҡытыусыһы Илдар Арғынбаев һәм психологы Венера Түләкова, Баймаҡ лицей-интернатының ойоштороусы педагогы Илһам Нурдәүләтов, “Йәш техниктар” станцияһының ойоштороусы педагогы Рауилә Солтанованың намыҫлы хеҙмәте район хакимиәтенең Почет грамотаһы менән билдәләнде. 4-се лицейҙың математика уҡытыусыһы Нәсимә Иҫәнгилдинаға һәм башланғыс кластар уҡытыусыһы Рима Сырлыбаеваға район хакимиәтенең Рәхмәт хаты тапшырылды. 

Артабан ҡала хакимиәте башлығы Радмир Иҫәнбаев уҡытыусыларға иң изге теләктәрен еткерҙе. Радмир Фитрат улы 3-сө мәктәптең математика уҡытыусыһы луиза Юлдашбаева, 4-се лицейҙың рус теле уҡытыусыһы Гөлсөм Хәмитова, 2-се мәктәптең башланғыс кластар уҡытыусыһы Сәриә Кәйекбирҙинаға ҡала хакимиәтенең Почет грамотаһын тапшырҙы. 

Мәғариф бүлеге начальнигы Фәнил Ирмәков та коллегаларын байрам уңайынан тәбрикләне. “Барығыҙға ла һаулыҡ теләйем. Илебеҙ күге тыныс булһын. Еңел булмаған эшегеҙҙән кинәнес алып эшләргә яҙһын”, – тине ул. Унан 3-сө мәктәптән Раушания Салихова, Баймаҡ лицей-интернаты тәрбиәсеһе Илшат Моратов, балалар ижады үҙәге педагогы Гөлнур Байгилдина, 2-се мәктәптең математика уҡытыусыһы Таңһылыу Йомалина, 4-се лицейҙың башланғыс кластар уҡытыусылары Надежда Феоктистова менән Резеда Байсурина, Ишмырҙа мәктәбенең башҡорт теле һәм әҙәбиәте уҡытыусыһы вәлимә Сыңғыҙова, мәғариф бүлеге методисы Илшат Сирусин, “Йәш техниктар” станцияһы өҫтәмә белем биреү педагогы Әлфиә Такалованы мәғариф бүлегенең Почет грамотаһы менән бүләкләне. Аҡморон мәктәбенең математика уҡытыусыһы Зөбәржәт Моратоваға Рәхмәт хаты тапшырҙы. 2-се мәктәптең логопеды Альбина Мөхәмәтйәнова, Иҫке Сибай мәктәбенең башланғыс кластар уҡытыусыһы Альбина Утарбаева, 5-се мәктәптең башланғыс кластар уҡытыусыһы Әлфиә Хәйбуллинаға РФ мәғариф хеҙмәткәрҙәре профсоюзының район ойошмаһының Почет грамотаһы бирелде.

Уҡытыусыларҙы һөнәри байрамы менән тәбрикләп, Башҡортостандың атҡаҙанған артисы Альберт Салауатов һәм халыҡ ижады үҙәге артистары йыр-моң, дәртле бейеүҙәр бүләк итте.

Эльмира КЕЙЕКҠУЖИНА.