Иң күп китап уҡыусылар тәбрикләнде

 Иң күп китап уҡыусы балалар тәбрикләнде. 

Баймаҡ районы башҡорттары ҡоролтайы, мәғариф бүлеге, биләмә-ара үҙәк китапхана тарафынан иғлан ителгән "Иң күп китап уҡыусы" конкурсы өс йәш категорияһын үҙ эсенә алды. Бөгөнгө сараға тәүге өс урынды бүлешеүсе китап һөйөүселәр йыйылды. Улар ҡаланың 5-се мәктәбенән Фидалия Зәйнәғәбдинова һәм Арсен Тотманов, Сәйғәфәрҙән Айсель Мөхәмәтдинова һәм Рушан Хәлилов, Муллаҡайҙан Сафия Дәүләтҡолова һәм Аделина Ғүмәрова, Үрге Яйыҡбайҙан Эмилия Әхмәтова, Икенсе Этҡолдан Румия Яҡупова. Төрлө сәбәптәр арҡаһында Кәрешкәнән Гөлназ һәм Гөлдәриә Ҡаһармановалар, 1-се мәктәптән Әминә Сотникова бүләкләү тантанаһына килә алманы. Конкурс еңеүселәрен ҡотлайбыҙ! Һәр ваҡыт китап менән дуҫ булып ҡалыуығыҙҙы теләйбеҙ!