Батырлыҡ дәресе

Бөйөк Еңеү байрамы алдынан Ҡуянтау ауылының «Ҡояшкай» балалар баҡсаһында «Билдәһеҙ һалдат  көнө» исемле батырлыҡ дәресе үтте.

“Беҙҙең балалар баҡсаһында Еңеү байрамы алдынан билдәһеҙ һалдат һәйкәленә сәскәләр һалыу йолаһы бар.  Бына бөгөн дә «Йондоҙсоҡтар» төркөмө тәрбиәләнеүселәре педагогтар менән бергә һәйкәлгә сәскәләр һалды.  Балалар өлкәндәр менән Ватаныбыҙҙы яҡлағандарҙы, ауыр һуғыш ваҡытында йәшәгән һәм эшләгән ата-бабаларын хөрмәтләп иҫкә алды”, - тине балалар баҡсаһы мөдире Нәжиә Йосоп ҡыҙы Иҫәнова.