Ҡар һыуына барам әле...

Үрге Яйыҡбай ауылы ағинәйҙәре һәм китапханасы Миңнур Исмәғил ҡыҙы уҡыусылар өсөн халыҡ йолаһын күрһәтеп, ҡар һыуына барҙылар.
Әле шишмәнең һыуы таҙа, йомшаҡ сылтырап ҡына ағып ята. Ауыл халҡы ла ошонан һыу ала.
Ҡыҙҙар биҙрәләренә һыу тултырҙы, ә ағинәйҙәр изге теләктәрен теләне.
Бергә яҙ тураһында шиғыр һөйләп, йырлап та алдылар.
Һуңынан ағинәйҙәр уҡыусыларҙы ыуыҙ ҡоймағы һәм тәмлекәстәр менән һыйланы.