Ҡоҙалар, ҡоҙасалар йырлап күңел асалар...

Таһир ауылында “Ҡоҙалар, ҡоҙасалар йырлап күңел асалар” тип аталған ҙур кисә үтте. Башҡорттарҙың боронғо йолаларына таянып эшләнгән тамашаны халыҡ бик яратып ҡараны. Байрам сараһында Ҡотлоәхмәтовтар һәм Рауиловтар үҙ-ара ҡоҙалашыуҙарын, туғанлашыуҙарын сәхнәләштерҙе. Улар һуңғы вакытта онотолоп барған “Үгеҙ йөзөк”, “Йәшерем яулыҡ” уйындарын күрһәтте. Ҡара-ҡаршы таҡмаҡ әйтешеүҙәре үҙе бер күңелле тамашаға әйләнде. Ҡоҙалар боронғо йолаға таянып, бер-береһен ҡымыҙ менән һыйлауҙары уларҙың ихласлығын күрһәтә ине. Байрам сараһында ололарҙың ғына түгел, йәштәрҙең дә, балаларҙың да ҡатнашыуы уларҙың туғанлыҡ ептәренең ныҡлығын раҫланы.