Балаларҙың хәүефһеҙлеге өсөн

Бөгөн  "Иғтибар - балалар" профилактик акцияһы сиктәрендә "Берҙәм юл хәрәкәте хәүефһеҙлеге көнө" билдәләнә. Х.Әхмәтов исемендәге Сыңғыҙ мәктәбендә ошо көндәрҙә  юл хәрәкәте хәүефһеҙлеген арттырыуға йүнәлтелгән бер нисә сара үткәрелде.

1-3-сө класс уҡыусылары өсөн класс етәксеһе Р.Р. Моталлапова "Хәүефһеҙ хәрәкәт" темаһына класс сәғәте үткәрҙе. Ул уҡыусыларға яҡтылыҡты кире ҡайтарыусы брелоктар бүләк итте. Ә 5-9-сы кластар өсөн  "Юл хәүефһеҙлеге", "Хәүефһеҙлек өсөн" темаларына кластан тыш саралар үткәрелде. Уҡыусыларға юл хәрәкәте ҡағиҙәләрен үтәү, кейемдә яҡтылыҡты ҡайтарыусы элементтарҙың мотлаҡ булыуын тағы бер тапҡыр иҫтәренә төшөрҙөләр.