Афарин, яйыҡбайҙар!

Үрге Яйыҡбай ауылы халҡы махсус хәрби операция яугирҙәренә даими ярҙам итә, посылкалар әҙерләй. Әле улар 47-се маскировка селтәрен үреп бөттө. "Өс сеткабыҙ ошо арала фронттағы батыр егеттәребеҙгә ылау менән оҙатыласаҡ. Маскировка сеткаларына һорау ҙур. Бик ныҡ ярҙам итә, фәҡәт ҡулдан үрелгән сеткалар кәрәк, ти егеттәр. Ошо изге эшебеҙҙә беҙгә матди ярҙам итеүсе ауылдаштарға , яҡташтарға һәм масксетка үреүсе ағинәйҙәргә ҙур рәхмәт. Был сеткаларыбыҙ һалдаттарыбыҙҙы һаҡлап, яҡлап ҡына торһон", - ти яйыҡбайҙар.