"Аҡйондоҙ"ҙар ярҙамы

“Таулыҡай ауылынан «Аҡйондоҙ» ирекмәндәр төркөмөнә ихлас рәхмәт белдерәбеҙ. Һеҙҙең изге күңелегеҙ һәм хәстәрлегегеҙ яугирҙәргә тағы ла ярҙам итте”, - ти Баймаҡ ҡалаһының «Һаҡлаусы Фәрештә» үҙәге ирекмәндәре.  “Аҡйондоҙ”ҙар сираттағы гуманитар ярҙамды — үҙҙәре эшләгән салаттар, тоҙло кәбеҫтә, сухари, өйҙә бешерелгән аҙыҡ-түлек, пакетлы сәйҙәр һәм гигиена кәрәк-яраҡтарын туплап тапшырҙы. Улар дөйөм йыйылған ылау менән махсус хәрби операция биләмәһенә ебәрелде лә инде.