Сыңғыҙ мәктәбендә...

Сыңғыҙ мәктәбендә был аҙна дауамында күп саралар үтте.

Әсәйҙәр көнөнә арналған сарала махсус хәрби операцияла ҡатнашыусы яугирҙәргә ярҙам йыйылды. Ата-әсәләр, уҡыусылар, мәктәп коллективы һәм ауыл халҡы кемеһе әйберләтә, кемеһе аҡсалата ярҙам итте. Шулай уҡ уҡыусылар хаттар яҙып һалды. Йыйылған аҡсаға әлеге көндә иң кәрәклеһе - бензобысҡы һатып алынды һәм барлыҡ әйберҙәр “Һаҡлаусы Фәрештә” ирекмәндәр штабына тапшырылды.

***

Сыңғыҙ мәктәбенең 7-9-сы класс егеттәре уҡытыусы Илгиз Ишбулды улы менән берлектә улы махсус хәрби операцияла булған Әхмәтова Рәйлә инәйҙең йортона барып, утынын өйөп бирҙеләр.
Афарин, балалар! Изгелек ерҙә ятып ҡалмай. Ауыр мәлдә бер-береңә ярҙам итеү, бер-береңә иғтибарлы һәм ихтирамлы булыу мөһим. Киләсәктә лә шулай ихтирамлы, иғтибарлы булығыҙ.
***

Сыңғыҙ мәктәбендә тағы бер патриотик сара үтте – хәрби бурысын үтәп ҡайтҡан элекке сығарылыш уҡыусылары Мораҙым, Инсаф һәм Флүр мәктәпкә осрашыуға килде. Был сара уҡыусыларҙа күтәренке кәйеф тыуҙырҙы. Егеттәр уҡыусыларға хәрби хеҙмәттә ҡыйыу, тәүәккәл, үҙ-үҙеңде тотоу, дисциплиналы, физик яҡтан үҫешкән һәм башҡа шуның кеүек сифаттар мөһим булыуы хаҡында һөйләне.