Моҡасҡа газ килеп етте!

Моҡас ауылында күптән көтөп алынған һәм мөһим ваҡиға булды – ауылға газ селтәре килеп етте. “Моҡас ауылына газ үткәреүгә тырышлыҡ һалған һәр кем ауылдың һәм райондың киләсәгенә ҙур өлөш индерҙе, уларҙың хеҙмәте ҙур рәхмәткә лайыҡ. Көтөп алған "зәңгәр яғыулыҡ"ты киләсәктә именлектә һәм һаулыҡта файҙаланығыҙ, йорттарығыҙҙа һәр ваҡыт йылылыҡ, яҡтылыҡ һәм именлек булһын”, – тигән матур теләктәрен еткерҙе район хакимиәте башлығы Азамат Сәфәрғәле улы Иҙрисов.