"Айыуҡай"ға - 45!

Бөгөн ҡаланың "Айыуҡай" балалар баҡсаһы асылыуға 45 йыл тулыуға арналған байрам сараһы үтте.

Балалар баҡсаһы 1980 йылда үҙ ишектәрен аса. Ошо йылдар эсендә бай тәжрибә тупланған, бик күп бәләкәстәр тәрбиәләнеп, мәктәпкә оҙатылған.

Байрам балалар өсөн дә, хеҙмәткәрҙәр өсөн дә онотолмаҫ тәьҫораттар ҡалдырҙы. Сарала шулай уҡ хөрмәтле ҡунаҡтар: мәғариф бүлеге етәкселеге, райондың башҡа балалар баҡсаларынан хеҙмәткәрҙәр, “Айыуҡай”ҙа  байтаҡ йылдар эшләп, үҫеп килгән быуынды тәрбиәләүгә ҙур өлөш индергән ветерандар, ата-әсәләр комитеты ағзалары ҡатнашты.
Байрам концертында балалар һәм тәрбиәселәр башҡарыуында күңелгә үтеп инерлек йырҙар яңғыраны, дәртле һәм күңелле бейеүҙәр башҡарылды.