Тәрбиәселәр көс һынай

Бөгөн районда «Мәктәпкәсә белем биреү ойошмаһының йыл педагогы - 2025» район һөнәри конкурсы старт алды. Был конкурс педагогтарҙың һөнәри оҫталығын күтәреү һәм тәжрибә уртаҡлашыу өсөн бик мөһим.

Конкурс өс этапта үтә. Беренсе тур ситтән тороп ойошторола. Бында конкурсанттар эш тәжрибәһен, методик йәки автор эшмәкәрлеген сағылдырған “Мин – педагог” исемле визит карточкаһын тәҡдим итә. Икенсе тур – “Балалар менән педагогик сара”. Уның барышында тәрбиәселәр балалар менән эшләү оҫталығын күрһәтә. Өсөнсө тур – “Оҫталыҡ дәресе”.  Унда ҡатнашыусыларға белем биреү процесының методик сараларын күрһәтергә кәрәк.

Конкурста ҡатнашыусыларҙың барыһына ла уңыш һәм илһамлы ижад теләйбеҙ!