Лайыҡлы баһа

Бөгөн Өфөнөң «Торатау» конгресс-холында ауыл хужалығы һәм эшкәртеү сәнәғәте хеҙмәткәрҙәре көнөнә арналған тантаналы сара үтте. Унда ауыл хужалығы өлкәһендә оҙаҡ йылдар намыҫлы хеҙмәт юлы үткән яҡташтарыбыҙҙың хеҙмәте лайыҡлы баһаланды. “Ленин” ЯСЙ-һының мал аҙығы әҙерләү комплексы етәксеһе Үҙәнбаев Йәмил Фирғәт улына һәм “Байрамғолова Г.З.” КФХ-һының агрономы Мичунов Константин Михайловичҡа “Башҡортостан Республикаһының атҡаҙанған ауыл хужалығы хеҙмәткәре” маҡтаулы исеме бирелде. Ә оҙаҡ йылдар райондың баш агрономы булып эшләүсе Хәсәнов Нәжип Ишбулды улының намыҫлы хеҙмәте Башҡортостан Республикаһының Почет грамотаһы менән билдәләнде.
Афарин, яҡташтар! Һеҙгә артабан да уңыштарға өлгәшеп эшләүегеҙҙе теләйбеҙ.