Яугирҙәр менән осрашыу

Халыҡтар берҙәмлеге көнө алдынан район хакимиәтенең йәштәр эштәре буйынса комитеты махсус хәрби операцияла ҡатнашыусылар Ринат Сабаев һәм Нурфәиз Сәфәрғәлин менән осрашыу ойошторҙо. Саҡырылған ҡунаҡтар үҙҙәренең тормошонда булған ваҡиғалар һәм хәрби тәжрибәһе менән уртаҡлашты.

 Сара барышында Беренселәр хәрәкәтенең урындағы бүлексәһе белгестәре махсус хәрби операцияла ҡатнашыусылар өсөн ҡоро душ әҙерләү буйынса оҫталыҡ дәресе үткәрҙе. Ҡоро душ әҙерләгәндә һәр кем һалдаттарҙың имен-һау тиҙерәк өйҙәренә әйләнеп ҡайтыуын теләп, күңел йылыһын һалды. Был көндө 100-ҙән ашыу комплект эшләнде, улар ошо көндәрҙә яугирҙәргә фронтҡа оҙатыласаҡ.