Таулыҡай батырына - Шайморатов генерал миҙалы

Илебеҙ именлеген һаҡлап, үҙ теләге менән яуға юлланған ҡаһарман йөрәкле ир-егеттәребеҙ бихисап. Таулыҡай ауылы егете Байегетов Радмир Урал улы ла шундайҙар рәтендә. Ошо көндәрҙә яҡташыбыҙ ҡыҫҡа ваҡытлы ялға ҡайтты.

 Радмир Урал улы яуҙа күрһәткән батырлығы өсөн Шайморатов генерал миҙалына лайыҡ булды. Юғары награданы уға республика Башлығы Радий Хәбиров тапшырҙы.

Радмир Таулыҡайҙа туғандары, яҡындары менән осрашып аралашты. Ата-әсәһе, яҡын туғандары ауыл мәсетендә яугир егет именлегенә, һаулығына ҡорбан ашы ашаттылар.

Илебеҙгә тыныслыҡ килһен, батыр егеттәребеҙ имен-һау ҡайтып, ғаиләләре, туғандары менән имен-һау йәшәһендәр.