Хөрмәтле уҙаман олпат юбилейын билдәләй

Икенсе Этҡол ауылынан ауыл хужалығы производствоһы һәм урындағы үҙидара органы ветераны, тыуған төйәген үҫтереүгә күп көс һалған Рәхимов Ринат Рәшит улы олпат юбилейын - 70 йәшен билдәләй.
Баймаҡ районы башҡорттары ҡоролтайы башҡарма комитеты рәйесе урынбаҫары Азамат Мөхәмәтшин һәм Ниғәмәт ауыл биләмәһе хакимиәте башлығы Амур Әминев хөрмәтле аҡһаҡалды юбилейы менән тантаналы шарттарҙа тәбрикләне. Агросәнәғәт комплексын һәм урындағы үҙидараны үҫтереүгә лайыҡлы өлөш индергәне өсөн Ринат Рәшит улына Баймаҡ районы хакимиәте башлығының Ҡотлау хаты, район Ҡоролтайының Почет грамотаһы һәм Ниғәмәт ауыл биләмәһе хакимиәтенең Ҡотлау хаты менән бүләге тапшырылды.