Үҙебеҙҙекеләрҙе ташламайбыҙ!

Яугир егеттәргә ярҙам итеү — барыбыҙҙың да изге бурысы.
 Иҫке Сибай ауылы халҡы махсус хәрби операцияла ҡатнашыусыларға ҙур ярҙам күрһәтә.«Томан» ҡушаматлы яугирҙең ғаиләһе ауыл хакимиәтенә ярҙам һорап мөрәжәғәт иткәс, ауылдың ир егеттәре, туғандары дәррәү эшкә тотонған. Улар ҡатлы йорттоң ҡыйығын ремонтлаған. -Был эште башҡарып сығарған ауыл советы депутаты Фәрхәт Әхмәтовҡа, шәхси эшҡыуар Альберт Сәфәрғәлинға, Илфат Килмәҡовҡа, Фуат Әхмәровҡа ҙур рәхмәтемде еткерәм, - тип яҙа социаль селтәрҙә ауыл биләмәһе башлығы Айнур Сибаев.