Бәпес ҡаршылау

Һуңғы йылдарҙа Баймаҡ район дауаханаһының бала табыу йортонан Әсәләр көнөндә өйҙәренә ҡайтҡан бәпес һәм әсәне тантаналы шарттарҙа  өйҙәренә  оҙатыу матур йолаға әүерелде. Ҡосаҡ-ҡосаҡ гөлләмәләр, шарҙар тотоп сабыйҙы ҡаршыларға уларҙың туғандары, яҡындары килде. Дауахана етәкселеге йәш ғаиләне бәпестәре тыуыу уңайынан ҡотлап, изге теләктәрен еткерҙе, иҫтәлекле бүләк тапшырҙы. "Сабыйҙарға һаулыҡ, сәләмәтлек, тулы ғаиләлә, ата-әсәле булып, бәхетле бала булып үҫеүен теләйбеҙ", - тине улар.

һуңғы 11 айҙа районда барлығы 117 бәпес донъяға килә. Шуларҙың 65-е малайҙар булһа,52-һе - ҡыҙ бала.