Минималь хеҙмәт хаҡы 17% арта

Дәүләт Думаһы депутаттары икенсе һәм өсөнсө уҡыуҙа киләһе йылдан хеҙмәткә түләүҙең минималь күләмен арттырыу тураһында закон ҡабул итте, тип хәбәр итә дәүләт органы сайты.

«2025 йылдың 1 ғинуарынан МРОТ 17% тиерлек артып, 22 440 һум була. Был эшләп йөрөгән 4,2 миллион гражданға ҡағыла», — тине Дәүләт Думаһы рәйесе Вячеслав Володин.

«Хеҙмәткә түләүҙең минималь күләмен этаплап, йыл һайын арттырыу — президент указында билдәләнгән милли үҫеш маҡсаттарының береһе. 2030 йылға хеҙмәткә түләүҙең минималь күләме 35 мең һумға етергә тейеш», тип билдәләне ул.