Атай ҡыҙы менән осрашты

Дөйөм Рәсәй халыҡ фронтының республика бүлексәһе ирекмәне Лилиә Сәғиҙуллина Курск өлкәһендә хәрби операцияла ҡатнашҡан атаһы менән осрашҡан. Лилиә атаһы фронтҡа киткәндән һуң ирекмән булып китә.

- Лилиәнең атаһы 2022 йылдан алып МХО зонаһында хеҙмәт итә. Ул гуманитар миссияны ойоштороусыларға атаһының хәҙер Курск йүнәлешендә бурыстар үтәүе хаҡында һөйләне, – тип хәбәр итте Башҡортостанда Халыҡ фронтының Йәштәр координаторы Рөстәм Сәләхетдинов. – Халыҡ фронты яҡын кешеләр өсөн сюрприз-осрашыу ойошторҙо. Был яугир өсөн Атайҙар көнөнә үҙенсәлекле бүләк булды.

- Ҡыҙымың Курскиҙа булыуын белгәс, борсолдом. Бында тыныс түгел. Был осрашыуҙы ойошторғандарҙың барыһына ла рәхмәт, – тине "Мудрый".