Иң яҡшы почтальон - Таһир ауылынан!

Темәс почта бүлексәһенең Таһир ауылындағы почтальоны Ғәлиә Әлибаева "Һаҡмар" гәзите иғлан иткән конкурста лайыҡлы рәүештә еңеп сыҡты.Ул бәләкәй генә ауылдан барлығы 67 кешене район баҫмаһына яҙҙырып, иң яҡшы һөҙөмтәгә иреште.Бөгөн уға төп приз - 5500 һумлыҡ электр бысҡыһы һәм Почет грамотаһы тапшырылды.

-Эшемде юғары баһалағандары өсөн "Һаҡмар" гәзите редакцияһы коллективына ҙур рәхмәт, -тине ул.-Таһир ауылы халҡы ла район баҫмаһына әүҙем яҙылып, оҙаҡ йылдар дауамында гәзиттең тоғро дуҫы булып ҡала.Артабан да бындай конкурстар ойошторолһон, сөнки ул  кешене дәртләндерә, яңы үрҙәргә әйҙәй.

Таһир ауылының уңған ғаиләһе ул Ғәлиә менән Васил Әлибаевтар.Уларға уңыштар теләйек!