Дәүләт ярҙамы этәргес көс бирә

Баймаҡтан фермер Илфат Салихов "Агростартап" программаһында ҡатнашып, унда еңеп сыға һәм был дәүләт ярҙамына трактор, урғыс, пресс-йыйғыс, ағыу һиптергес һатып ала.Бөгөн ул бөтөн көсөн хужалыҡты үҫтереүгә йүнәлткән.

Үҙ эшен асҡанға тиклем ул "Урал аръяғы" МТС-ында комбайнсы, агроном булып эшләй, бер нисә йылдан "Толпар" ЯСЙ-һына агроном булып эшкә саҡырыла.Бер аҙҙан директор итеп үрләтелә.Ул эшләгән осорҙа предприятие район хеҙмәт ярыштарында бер ҡасан да һынатманы, үҫемлекселек һәм йылҡысылыҡ буйынса юғары күрһәткестәргә өлгәште.

-Дәүләт ярҙамы яңы эш башлаған ваҡытта этәргес көс булып тора, -ти ул.-Хәҙер инде ең һыҙғанып эшләргә генә ҡала.