Тормошто яратыуҙары менән айырылалар

Луиза Иванова етәкселегендәге район инвалидтар ойошмаһының әүҙемлегенә һоҡланырға ғына ҡала. Йәмғиәт ағзаларының төрлө проблемаларын хәл итергә ынтыла улар. Коляскала ултырған инвалидтар һәм уларҙың ауыл биләмәләрендәге опекундары менән осрашыу уҙҙы. Ҡабул итеүҙең маҡсаты -  электрон сертификат буйынса техник реабилитация сараларын биреүҙе аңлатыу. Барыһы ла үҙ-ара эш итеү һәм аңлау аша хәл ителә, сөнки бөтә хеҙмәттәр ҙә ғариза биреү характерында. Ваҡытында мөрәжәғәт иткәндәр хеҙмәттәрҙе ваҡытында ала. Осрашыуға килеүселәр Луиза Салауат ҡыҙына рәхмәтен белдерҙе.