Баймаҡтың спорт һөйгән ғаиләләре ярышты

Бөгөн Ғаилә көнөндә спорт һөйөүсе ғаиләләр старт һыҙығына баҫты. Унда ҡаланан һәм ауылдарҙан туғыҙ ғаилә көс һынашты. Төрлө эстафеталарҙы уңышлы үткәндән һуң Сәйғәфәр ауылынан Юнысбаевтар ғаиләһе беренсе урынға сыҡты. Баймаҡтан Мостафиндар - икенсе, Аҡтауҙан Бикбирҙиндар өсөнсө урынды яуланы.

Спорт байрамында ҡатнашыусыларҙың барыһына ла Грамоталар, иҫтәлекле бүләктәр тапшырылды.