Йәгеҙ әле, егеттәр!

Районда Ватанды һаҡлаусылар көнөнә арналған бик күп саралар үтте. Гүзәл заттар ир-егеттәрҙе йәлеп иткән төрлө саралар ойошторҙо. Уларҙың күпселегендә ғаиләләр менән ҡатнаштылыр.

Күгиҙел ауылында ла бик матур сара ойошторолдо.

- Ватанды һаҡлаусылар көнөндә армияла хеҙмәт иткән йәки һуғыш йылдарында илде һаҡлаған бөтә ир-егеттәрҙе һәм Ватанға хеҙмәт итергә барасаҡ егеттәрҙе байрам менән ҡотлау изге традицияға әйләнгән. Ватанды һаҡлаусылар көнө уңайынан, Күгиҙел ауылы ир-егеттәре "Йәгеҙ әле, егеттәр!" тигән ярыш-уйында ҡатнашты.

Ир-егеттәр етеҙлеккә, зирәклеккә, сыҙамлыҡҡа һәм батырлыҡҡа тикшереү маҡсатында уҙғарылған бәйгеләрҙә көсөн һынаны. Уйындар бик ҡыҙыҡлы, байрам күңелле булды, тип яҙалар ауылдан.