Ҡамыр серҙәре

Ҡамырҙың ниндәй генә рецепттары юҡ. Уларҙың һәр ҡайһыһы үҙенсә тәмле килеп сыға. Шулай ҙа ҡамырҙы үҙенсә баҫырға яратҡан кешеләр күберәк. Улар: "Рецепт ҡарап торорға ваҡыт юҡ! Нинмәм бар, шуны һалам да баҫам", -- тип яуапларға ярата. * Бәлеш, күмәс бешерә торған ҡамырға бер аҙ картуф крахмалын ҡушығыҙ. Ул ҡамырҙы ҡабартып ҡына ҡалмай, духовканы асып ҡараған саҡта күмәсте шиңдермәй һаҡлай. Шулай уҡ икенсе көндә лә йомшаҡ була. * Онды ҡамыр баҫыр алдынан ғына иләгеҙ.

Ҡамыр серҙәре

Ҡамырҙың ниндәй генә рецепттары юҡ. Уларҙың һәр ҡайһыһы үҙенсә тәмле килеп сыға. Шулай ҙа ҡамырҙы үҙенсә баҫырға яратҡан кешеләр күберәк. Улар: "Рецепт ҡарап торорға ваҡыт юҡ! Нинмәм бар, шуны һалам да баҫам", -- тип яуапларға ярата.

* Бәлеш, күмәс бешерә торған ҡамырға бер аҙ картуф крахмалын ҡушығыҙ. Ул ҡамырҙы ҡабартып ҡына ҡалмай, духовканы асып ҡараған саҡта күмәсте шиңдермәй һаҡлай. Шулай уҡ икенсе көндә лә йомшаҡ була.

* Онды ҡамыр баҫыр алдынан ғына иләгеҙ.

* Бәлеш, ҡоймаҡ, икмәк ҡамырына манный ярмаһын бер аҙ, йәғни ярты литр һыу йәки һөткә 1 аш ҡалағы ҡушығыҙ. Ул да ҡамырҙы күпертә һәм йомшаҡ итә.

* Ҡамырға һөт менән ярты стакан минераль һыу өҫтәгеҙ.

* Әсеткән ҡамырҙы әҙерләгәндә бар ингредиенттар ҙа бүлмә температураһында булһын. Һыуҙы 30-35 градусҡа тиклем йылытығыҙ.

* Ҡамыр баҫҡан бүлмәлә үтә ел бьулмаһын.

*Бәлештәрҙе уртаса ҡыҙыулыҡтағы духовкала бешерегеҙ. Юғиһә эслегенең һуты бөтә.

* Ҡамырға майҙы иретеп ҡушмағыҙ. Ул бүлмә температураһында ултырып ныҡ итеп йомшарырға тейеш.

* Ҡамырҙы йәйгәс, эслек һалыр алдынан бер аҙ крахмал һибегеҙ.

* Ҡмырға йөҙөм ҡушырға уйлаһағыҙ, уны алдан онға әүәләп алығыҙ.

* Ҡамыр менән булышыр алдынан ҡулығыҙҙы ныҡлап ҡоротоп һөртөгөҙ.

* Әҙер бәлеште 15-20 минут ултыртып торғандан һуң ғына духовкаға оҙатығыҙ.

* Ҡамырҙы һөткә баҫһаң, ул тәмле килеп сыға.