«Бөтә халыҡ менән, бер ҡояш аҫтында»

Сәйғәфәр ауылы клубында Аҡморон, Сәйғәфәр, Ҡаратал, Аҡтау ауылының һәүәҫкәр артистары тарафынан әҙерләнгән «Бөтә халыҡ менән, бер ҡояш аҫтында» исемле ҙур йөкмәткеле концерт менән сығыш яһанылар.
Концерт ваҡытында МХО-ла йөрөгән яугирҙәргә арнап «Тик иҫән-һау ҡайтығыҙ» тигән йыр башҡарҙыҡ. Һәләк булған батырҙарыбыҙҙы иҫкә алып үттек. Шул уҡ ваҡытта әлеге мәлдә ваҡытлыса ялға ҡайтҡан Ҡаратал ауылынан «Барс» позывнойлы яугиргә ике маскировкалау селтәре тапшырҙыҡ. Уларҙы әлеге ваҡытта иң кәрәклеһе, тип белдерҙе. Иң изге теләктәребеҙҙе теләп, тиҙерәк еңеү менән иҫән-һау әйләнеп ҡайтыуҙарын теләп ҡалдыҡ.
Лена Алсынбаева,

мәҙәни ойоштороусы.