Афарин, Хөсәйеновтар!

Мерәҫ ауылы халҡы махсус хәрби операция башланғандан алып  гуманитар ылау ебәреүҙә әүҙем ҡатнаша. Улар төрлө аҙыҡ-түлек, көнкүреш кәрәк яраҡтары, бейәләй, ойоҡбаштар - барыһын да әҙерләй. Әле йәш ғаилә Илмира һәм Илфат Хөсәйеновтар яугирҙарға ҡоро душ эшләй башлаған.
"Ҡоро душ һалдаттар өсөн бик ныҡ кәрәкле. Алғы һыҙыҡта йөрөгән саҡта һыуҙың самалы булыуы сәбәпле , улар ошо душты ҡуллана.
Аллаһ бирһә, беҙҙең бәләкәй генә ярҙамыбыҙ яугирҙәргә файҙалы булһын булһын, ғүмерҙәрен һаҡлаһын. Тиҙерәк һуғыштар тамамланһын," - тип изге теләктәрен еткерҙе йәш ғаилә.
Изге ниәттәре, яугирҙарға ихлас ярҙамдары өсөн Ильмира һәм Ильфат Хөсәйеновтар ғаиләһенә ҙур рәхмәт.