Уҡыусылар блиндаж шәмдәре әҙерләне

Ниғәмәт ауылы мәктәбенең 3-сө класс уҡыусылары Нәзифә Мырҙағәлина етәкселегендә әленән-әле яугирҙәргә гуманитар ярҙам әҙерләп ебәрә. Бөгөн дә улар урындағы ағинәйҙәр менән берлектә 34 һауыт блиндаж шәме әҙерләгән. Бынан тыш уҡыусылар яугирҙәргә ялҡынлы сәләмдәрен белдереп, хат та яҙҙы.

Тыуған илен һөйгән, ҡәҙерләгән йәш быуын үҫеп килеүе менән ғорурланабыҙ. Шундай патриотик рух тәрбиәләгән уҡытыусыларға, ата-әсәләргә һәм ағинәйҙәргә рәхмәт белдерәһе генә ҡала.