Икенсе Этҡолдар гуманитар ярҙам әҙерләне

Икенсе Этҡол ауылы халҡы ла махсус хәрби операция биләмәһендә йөрөгән яугирҙәргә даими ярҙам күрһәтә. Ошо көндәрҙә улар тағы ла бергә йыйылышып окоп шәмдәре әҙерләне. Шул уҡ ваҡытта “Ҡурай” һәм “Йәйғор” магазиндарына ҡуйылған “Изгелек ҡумтаһы”на йыйылған бик күп ярҙам йыйылды. Улар араһында аҙыҡ-түлек, гигиена әйберҙәре, йылы кейемдәр ҙә бар. Тупланған барлыҡ гуманитар ярҙам ошо көндәрҙә алғы һыҙыҡта йөрөгән яугирҙәргә оҙатыласаҡ.