Яугир менән осрашыу

Һаҡмар ауылы йәштәре МХО яугиры менән осрашты.
Әле ул ҡыҫҡа ваҡытлы ялда. Яугир ауыл йәштәре менән хәтирәләре менән уртаҡлашты. Ул Тыуған иленә хеҙмәт итергә нисек ҡарар ҡабул итеүе һәм уға осраған һынауҙар тураһында һөйләне. Балалар ҡунаҡты махсус хәрби операция зонаһында йәшәү шарттары, ниндәй ҡоралдар менән һуғышыуҙары һәм хәрби хәрәкәттәр тураһында һорауҙар бирҙе. Шулай уҡ улар уҡыусыларҙың хәрбиҙәргә ебәргән хаттары ярҙам итәме, тип һораны. Яугир бөтә һорауҙарға ентекле яуап бирҙе. Ул туғандарҙың һәм бөтә йәмғиәттең матди һәм рухи ярҙам күрһәтеүенең һалдаттар өсөн бик мөһим булыуын әйтте. Осрашыу аҙағында уҡыусылар яугирға тиҙ арала Еңеү менән ҡайтыуын теләне.