43-сөһө лә әҙер

Үрге Яйыҡбай ауылы ирекмәндәре маскировкалау селтәрен үреүҙе күптән яйға һалып алған. Улар был тәңгәлдә бик әүҙем эш алып бара. Ошо көндәрҙә улар ҡырҡ өсөнсөһөн үреп тә бөттө. Был эштә ярҙам иткән, кәрәкле эш ҡоралы – биш ҡайсы биргән Асфәр Фирғәт улына ҙур рәхмәт белдергебеҙ килә.

Ҡырҡ өсөнсө маскировкалау селтәре үреп бөткәндән һуң, әүҙем ирекмәндәр Әминә Фәхрислам ҡыҙына, Миңзәлә Миңлеғәле ҡыҙына “Хәрби хәрәкәттәрҙә ҡатнашыусыларға һәм ветерандарға ярҙам итеү”ҙәгенең ирекмән таныҡлыҡтары тапшырылды.

Зөлхәбирә Мырҙағәлина,

Ауылдың ирекмәндәр төркөмө етәксеһе.