Яугирҙәргә – 20 ҡумта ярҙам!

Баймаҡ ҡалаһының “Миләш” балалар баҡсаһы даими рәүештә яугирҙәргә гуманитар ярҙам күрһәтә. Учреждение хеҙмәткәрҙәре, балалар һәм уларҙың ата-әсәләре бындай акцияға ихлас ҡушылды. Хәрби бәрелештәрҙә ҡатнашыусыларға ярҙам күрһәтеү үҙәгенә барлығы егерме ҡумта ярҙам алып килеп тапшырҙылар. Был юлы берҙәм көс менән медикаменттар, аҙыҡ-түлек, көнкүреш кәрәк-яраҡтары, йылы ойоҡбаштар, бирсәткәләр һәм башҡа бик күп ярҙам тупланды. Уларҙың барыһы ла ошо көндәрҙә яугирҙәргә оҙатыласаҡ.