"Үҙебеҙҙекеләрҙе ташламайбыҙ"

Йылым ауылы халҡы "Үҙебеҙҙекеләрҙе ташламайбыҙ" акцияһына әүҙем ҡушылып,төрлө йүнәлештәр буйынса махсус хәрби операцияла йөрөгән яугирҙәргә ярҙам итә. Был юлы ҡатын-ҡыҙҙар һалдаттарға өй ризыҡтары: сөсө икмәк, печенье, бауырһаҡ, төрлө турамалар, ҡайнатмалар һәм башҡа танһыҡ ризыҡтар, шулай уҡ гигиена кәрәк-яраҡтары әҙерләне. Ир-егеттәр иһә эш ҡоралдары, газ баллондары һәм төҙөлөш өсөн кәрәк-яраҡ килтерҙе.
. Махсус хәрби операциялағыларға ярҙам эшендә әүҙем ҡатнашҡан, ихлас күңелдән был эшкә ҡушылған ауыл халҡына ҙур рәхмәт! Берҙәм көс менән һәр кем үҙ өлөшөн индергән бүләк-күстәнәстәр һалдаттарыбыҙға көс-ҡеүәт өҫтәһен! Илдә тыныслыҡ урынлашып, яҡташтарыбыҙҙың, ауылдаштарыбыҙҙың тыуған яҡтарына, ата-әсәләре, ғаиләләре янына имен-аман ҡайтыуҙарын теләйбеҙ!