Яугирҙәрҙе хәстәрләп

“Билал ауыл биләмәһенең ”Ағинәйҙәр” йәмәғәт ойошмаһы ағзалары махсус хәрби операцияла ҡатнашыусы яугирҙәребеҙгә сәк-сәк бешерҙе.

Посылкаларға шулай уҡ резина итектәр, шәхси гигиена әйберҙәре әҙерләп, изге теләктәребеҙҙе әйтә-әйтә, доға-аяттар уҡып һалдыҡ.

Зәйнулла ағай Әминев, Искәнйәр Нурғәлин, Сәриә Хажиева аҡсалата ярҙам итте.

Яугирҙәребеҙ имен-һау ғаиләләренә әйләнеп ҡайтһындар, доғаларыбыҙ уларҙы ҡурсалаһын.

Почта таратыусы Роза Батыр ҡыҙы 2025 йылдың икенсе яртыһына гәзит-журналдарға яҙҙырҙы.

Барығыҙға ла ҙур рәхмәт, ауылдаштар!” – тип хәбәр итә “Ағинәйҙәр” ойошмаһы рәйесе Фәһимә Һибәтуллина.