Бөгөн- ауыл ҡатын-ҡыҙҙары көнө!

Бөгөн- ауыл ҡатын-ҡыҙҙары көнө.Ул 2008 се йылдан алып билдәләнә.

Иртән таңдан тороп, тауыҡ сүпләһә лә бөтмәҫтәй эштәр артынан сабырға тотона бит ул, ауыл ҡатын-ҡыҙы. Күрер күҙгә күренмәгән ниндәй генә эштәр башҡармай ул. Һанап китһәң, осона ла сығырлыҡ түгел. Быларҙы тик фәҡәт ауылда йәшәгән ҡатын-ҡыҙ ғына белә. Һыйыр һауыу, көтөү ҡыуыу, һөт айыртыу, бәпкә-себеш ашатыу, һыуға барыу, ашарға бешереү, кер-иҙән йыуыу, баҡса утау... Ҡара яҙҙан көҙгә тиклем һәр көн иртәнән кискә тиклем ошо эштәр ҡабатлана ла, ҡабатлана. Ләкин бирешмәй улар, кәртә тултырып малын да аҫырай, баҡсаһын да үҫтерә- барыһына ла өлгөрә!

 

Беҙ бит ауыл ҡыҙҙары

Ауылдың уңғандары.

Йөрәк эш тиеп яна

Күңел тулы дәрт-дарман.

Ауылдарҙа йәшәүсе гүзәл заттарҙы был көн менән ҡотлап, һаулыҡ, рух ныҡлығы теләйбеҙ!