Еңеүселәр бүләкләнде

Баймаҡ районының территориаль һайлау комиссияһы “Һаҡмар” гәзите редакцияһы менән берлектә йәш һайлаусылар араһында Республика көнөнә ҡарата һәм һайлау темаһына бәйле викторина ойошторғайны. Конкурсҡа йомғаҡ яһалды һәм бөгөн редакцияла еңеүселәргә бүләктәр тапшырылды. Викторинала Урал аръяғы агросәнәғәт колледжы хеҙмәткәрҙәре һәм студенттары иң әүҙеме булды һәм еңеүселәр булып танылды.  1-се урынды яулаған Нурзилә Аҙнағоловаға - пауэрбанк, 2-се урын бирелгән Айзилә Әбүсәғитоваға флешка тапшырылды. 3-сө урынды яулаған Гөлзифа Ханафина менән Гөлйыһан Ғәлинаға ла флешкалар тапшырылды.