Тауыш биреү әүҙем бара

Баймаҡ районындағы 75 һайлау участкаһында ла тауыш биреү әүҙем бара. Участкаларҙың 9-ы – ҡалала, 66-һы ауылдарҙа урынлашҡан.

Районда Башҡортостан Республикаһы Башлығын һайлау, алтынсы саҡырылыш Башҡортостан Республикаһы Баймаҡ районы муниципаль район Советы депутаттарын һайлау, алтынсы саҡырылыш Башҡортостан Республикаһы Баймаҡ районы муниципаль район Баймаҡ ҡалаһы ҡала биләмәһе Советы депутаттарын һайлау, Башҡортостан Республикаһы Баймаҡ районы муниципаль район 1-се Этҡол ауыл советы ауыл биләмәһе Советы депутаттарын өҫтәмә һайлау үтә.

Һайлау участкаларында төрлө саралар үткәрелә: көҙгә йәрминкәләр, махсус хәрби операциялағы яугирҙәр өсөн маскировка селтәре үреү, концерт, күргәҙмәләр һ.б. Һәр һайлау участкаһында волонтерҙар эшләй. Улар тауыш биреүселәргә “Рәхмәт” акцияһында ҡатнашыу өсөн билеттар һәм браслеттар тарата.

Һайлау участкалары тауыш биреү көндәрендә - 6, 7, 8 сентябрҙә - иртәнге сәғәт 8-ҙән киске 8-гә тиклем эшләй.