Башҡортостан Башлығын һайлау көндәрендә «Рәхмәт» акцияһы ойошторола

6, 7 һәм 8 сентябрҙә Башҡортостан Республикаһы етәксеһен һайлау уҙғарыла. Был көндәрҙә «Рәхмәт-2024» акцияһы барышында ҡиммәтле бүләктәр уйнатыла.

6, 7 һәм 8 сентябрҙә һайлау участкаларына килгән һәр кем бүләктәр уйнатыуҙа ҡатнашыу өсөн QR-билеттар алырға мөмкин. Ғаиләнең һәр ағзаһына, шул иҫәптән балаларға QR-билет бирелә.  Билеттағы  8 символдан торған кодты рахмат102.рф сайтында теркәргә кәрәк.

Акцияның бүләк фонды бик бай: ҡатнашыусылар 330-ҙан ашыу ҡиммәтле бүләк отоу мөмкинлегенә эйә. Был исемлектә квадроциклдар, мотоцикл, һыу мотоциклы, велосипедтар, электр самокаттары, телевизорҙар, ноутбуктар, планшеттар, телефондар һәм робот саң һурҙырғыстар бар.

Ҡиммәтле бүләктәр көнөнә ике тапҡыр уйнатыла. 6 сентябрҙә көндөҙгө сәғәт 2-лә һәм киске 8-ҙә, 7 сентябрҙә көндөҙгө 2-лә һәм киске 8-ҙә, 8 сентябрҙә көндөҙгө 2-лә.  8 сентябрҙә тәүге тапҡыр «Бүләктәр төнө» ойошторола, унда бер юлы 130-ҙан ашыу бүләк уйнатыла.

Һөҙөмтәләр рахмат102.рф сайтында баҫыла. Бүләк алыу хоҡуғын юғалтмаҫ өсөн, QR-билеттарҙы 30 сентябргә тиклем һаҡларға кәрәк.

13 сентябрҙә барлыҡ теркәлгән билеттар Башҡортостан юлдаш телевидениеһының тура эфирында «Ҙур Рәхмәт» суперприздар уйнатыуҙа ҡатнаша. Бүләктәр араһында машиналар, тотош ғаилә менән Сочиға сәйәхәт, Башҡортостан шифаханаларына һәм ял йорттарына юлламалар бар. Проекттың төп партнеры  – «Өфө ҡалаһының инвестиция-төҙөлөш комитеты»нан Өфөлә өс фатир уйнатыла.